عالمی ادارہ صحت کا غزہ کے ہسپتالوں پر حملے بند کرنے کا مطالبہ

اسلام ٹائمز۔ عالمی ادارہ صحت کے ڈائریکٹر جنرل ٹیڈروس اذانوم گیبریئس نے پیر کے روز غزہ کی پٹی کے ہسپتالوں پر اسرائیلی حملے بند کرنے کا مطالبہ کرتے ہوئے اس بات پر زور دیا کہ پٹی میں صحت کا نظام شدید خطرے سے دوچار ہے۔ انہوں نے کہا کہ غزہ میں لوگوں کو صحت کی دیکھ بھال تک رسائی کی ضرورت ہے۔ انسانی ہمدردی کے کارکنوں کو صحت کی امداد تک رسائی کی ضرورت ہے۔ تنظیم کے ڈائریکٹر جنرل نے مزید کہا کہ غزہ شہر میں الاہلی اور الوفا ہسپتالوں کو اسرائیلی فوج کے حملوں کا نشانہ بنایا گیا اور دونوں کو نقصان پہنچا۔