تحریک انصاف احتجاج، توہین عدالت کی درخواست 16 جنوری کو سماعت کیلئے مقرر

اسلام ٹائمز۔ تحریک انصاف کے احتجاج میں عدالت کے احکامات کی خلاف ورزی پر توہینِ عدالت کی درخواست سماعت کے لیے مقرر کر لی گئی۔اسلام آباد ہائیکورٹ میں تاجر تنظیم کے صدر کی جانب سے دائر توہین عدالت کی درخواست کی سماعت موسم سرما کی تعطیلات کے بعد 16 جنوری کو ہو گی۔ اسلام آباد ہائیکورٹ کے چیف جسٹس عامر فاروق کی درخواست پر سماعت کریں گے۔ رجسٹرار آفس نے کیس 16 جنوری کو سماعت کے لیے مقرر کرنے کی کاز لسٹ جاری کر دی ہے۔ واضح رہے کہ عدالتی حکم پر سیکرٹری داخلہ، چیف کمشنر اور آئی جی نے جواب جمع کروا رکھا ہے۔