مدارس وزارت تعلیم اور سوسائیٹز ایکٹ دونوں میں رجسٹر ہوسکتے ہیں، طاہر اشرفی

اسلام ٹائمز۔ پاکستان علما کونسل کے چیئرمین حافظ طاہر محمود اشرفی نے کہا ہے کہ مدارس رجسٹریشن پر صدارتی آرڈیننس کے بعد مسئلہ حل ہوگیا۔ لاہور سے اپنے بیان میں طاہر محمود اشرفی کا کہنا تھا کہ اختلاف کی صورت حال ختم ہوگئی ہے۔ انہوں نے کہا کہ مدارس وزارت تعلیم اور سوسائیٹز ایکٹ دونوں میں رجسٹر ہوسکتے ہیں۔ طاہر محمود اشرفی نے کہا کہ حکومت نے مدارس کی آزادی اور خود مختاری میں کوئی مداخلت نہیں کی۔