راولپنڈی پولیس کو مطلوب دو ملزمان سکردو سے گرفتار

اسلام ٹائمز۔ سکردو پولیس کی کامیاب کارروائی، راولپنڈی پولیس کو مطلوب دو ملزمان کو دھر لیا۔ تفصیلات کے مطابق مسمات مودت زہرا زوجہ شہاب ثاقب سکنہ کہوٹہ اور غضنفر عباس سکنہ کہوٹہ کو پولیس چیک پوسٹ کچورا پر معمول کی تلاشی کے دوران مشکوک پا کر دونوں کے قومی شناختی کارڈ کو جدید سسٹم کے تحت E- Police ایپلیکیشن کے ذریعے سکین کیا گیا، جس پر معلوم ہوا کہ دونوں کے خلاف تھانہ کہوٹہ راولپنڈی میں مقدمہ درج ہے، جس پر دونوں کو حراست میں لے لیا گیا۔