پی پی قائدین جی بی کے لوگوں سے معافی مانگیں، اکبر تابان

اسلام ٹائمز۔ مسلم لیگ نون گلگت بلتستان کے جنرل سکریٹری و سابق صوبائی وزیر حاجی اکبر تابان نے کہا ہے کہ احتجاج ہر کسی کا آئینی، بنیادی اور جمہوری حق ہے، آئین کسی کو احتجاج سے روکنے کی اجازت نہیں دیتا۔ کراچی میں پر امن دھرنے کے شرکا پر شیلنگ اور فائرنگ کے بعد پیپلز پارٹی کی رہنما سیدہ شہلا رضا کی طرف سے گلگتی، بلتی اور ہزارہ کے لوگوں کو شرپسند کہنا افسوسناک امر ہے، انہیں اپنا بیان واپس لیکر گلگت بلتستان کے عوام سے معافی مانگنی چاہیئے کیونکہ ان کے ریمارکس سے گلگت بلتستان کے عوام کی بڑی دل آزاری ہوئی ہے۔ میڈیا سے گفتگو میں اکبر تابان کا کہنا تھا کہ یہاں کے لوگوں نے ہمیشہ امن کی بات کی ہے۔ کبھی شرپسندی نہیں کی۔ درجنوں لاشیں اٹھانے کے باجود یہاں کے علمائے کرام نے امن کا دامن ہاتھ سے جانے نہیں دیا ہے۔