شہلا رضا کے بیان پر بہت دکھ ہوا، سید علی رضوی

اسلام ٹائمز۔ مجلس وحدت مسلمین گلگت بلتستان کے صوبائی صدر سید علی رضوی نے پیپلز پارٹی کی رہنماء و سندھ اسمبلی کی ڈپٹی سپیکر سیدہ شہلا رضا کے اس بیان پر شدید ردعمل کا اظہار کیا ہے، جس میں انہوں نے کہا تھا کہ پاراچنار کی صورتحال پر کراچی میں دیئے گئے دھرنے میں گلگتی، بلتی اور ہزارہ کے لوگ شریک تھے، مقامی لوگوں نے دھرنے میں شرکت سے معذرت کر لی، دھرنے میں بیٹھے افراد نے شرپسندی کی، ایمبولنس جلا دی اور سرکاری املاک کو نقصان پہنچایا۔ اپنے ایک بیان میں سید علی رضوی نے کہا کہ میری بہن شہلا رضا صاحبہ سے میرا ایک سوال ہے کہ وہ بتائیں کہ دھرنے میں مقامی لوگ شریک نہیں تھے تو سید شہنشاہ نقوی، سید حسن ظفر نقوی اور سید اسد نقوی کا تعلق گلگت بلتستان کے کس علاقے سے ہے۔؟