ملی یکجہتی کونسل کی مجلس عاملہ کا اجلاس 6 جنوری کو طلب

اسلام ٹائمز۔ ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے مرکزی مجلس عاملہ کے ارکان کا اجلاس سوموار6 جنوری کو طلب کرلیا۔ ملی یکجہتی کونسل کے مرکزی مجلس عاملہ کا اجلاس لاہور میں مرکزی علماء کونسل کے چیئرمین زاہد محمود قاسمی کی میزبانی میں منعقد ہوگا۔ اجلاس میں ملی یکجہتی کونسل کے دستور میں ترامیم کا مسودہ پیش کیا جائیگا جبکہ اجلاس میں ملی یکجہتی کونسل کے صوبائی انتخابات کی کی رپورٹ پیش کی جائیگی۔ اجلاس میں ضلع کرم کی صورتحال کا جائزہ بھی لیا جائیگا جبکہ پاکستان، افغانستان اور ایران تعلقات پر قائدین اظہار خیال کریں گے۔ اجلاس میں کشمیر، فلسطین اور مشرق وسطی کے حالات کا جائزہ بھی لیا جائیگا۔ اجلاس میں مرکزی کمیٹی  کی سفارشات پیش کی جائیں گی۔