ایران، جرمن شہریت کے حامل دہشت گرد کو پھانسی دیدی گئی

اسلام ٹائمز۔ اسلامی جمہوریہ ایران میں ایرانی نژاد جرمن شہری کو موت سزا پر عمل درآمد کرتے ہوئے پھانسی دیدی گئی۔ میڈیا کے مطابق عدالت کے حکم پر جمشید شار مہد کو 28 اکتوبر کو پھانسی دی گئی تھی، ایرانی نژاد جرمن شہری پر دہشتگردی کے سنگین الزامات عائد تھے، جمشید شار مہد امریکا میں مقیم تھے، جہاں سے دہشت گردوں کو رقوم، اھداف، اسلحہ اور پشت پناہی فراہم کرنے کیساتھ ساتھ ایران میں شہریوں اور مسلح فورسز کیخلاف کاروائیوں میں ملوث تھے، اس کے علاوہ وہاں سے آن لائن ایران میں دہشت گردی کی وارداتوں کے لئے اعلانیہ ویڈیوز بھی جاری کرتے تھے، انہیں 2020 میں دبئی سے اغوا کرکے ایران منتقل کیا گیا۔