سینیٹر سراج الحق کا سکردو میں وحدت امت کانفرنس سے خطاب

 

ان کا مزید کہنا تھا کہ نہتے فلسطینیوں نے اسرائیل کے سامنے ڈٹ کر مقابلہ کیا اور اسرائیل جیسی طاقت کو تھکا دیا۔ حماس نے نئی امت تخلیق کی ہے، ایک ہی مورچے میں حزب اللہ اور حماس دونوں موجود ہیں، ایک ہی مورچے میں حسن نصراللہ اور اسماعیل ہنیہ شہید ہوئے، ہر ایک مسلم حکمران کے دروازے پر دستک دی لیکن کسی نے نہیں سنی، صرف جلسے جلوس کرتے رہیں گے تو ہمیں معافی نہیں ملے گی، ہمیں عملی طور پر جنگ میں شریک ہونا ہوگا۔ انہوں نے کہا کہ حکومت اور اپوزیشن سے اپیل کی تھی کہ غزہ کے مسلمانوں کا ساتھ دیا جائے، مگر کوئی چھبیسویں ترمیم کے پیچھے پڑا ہے تو کوئی ستائیسویں ترمیم کے پیچھے پڑا ہوا ہے۔ آئی ایم ایف کے ہاتھوں ہمارے حکمران یرغمال ہیں، ہم چند ڈالر کے عوض بک گئے ہیں، ڈالر لیکر ہم مغربی نظام کے تحت چلنے لگے ہیں، انگریزوں سے امید رکھنا عبث ہے۔

 

سراج الحق نے کہا  کہ عاصم منیر کے آرمی چیف بننے کے پیچھے غزہ کے مسلمانوں کی دعائیں ہیں، کیونکہ غزہ کے لوگ چاہتے تھے کہ کوئی حافظ قرآن آرمی چیف بنے، اس لئے ہم آرمی چیف سے اپیل کرتے ہیں کہ وہ غزہ کے مسلمانوں کیلئے آواز بلند کریں، نجات کا ایک ہی راستہ ہے کہ ہم غزہ کے مسلمانوں کے ساتھ کھڑے ہو جائیں، حکمرانوں سے اتمام حجت کر لیا ہے، ہم غزہ میں ہاریں گے تو ہر جگہ پسپا ہونگے، شیعہ و سنی کی باہمی چپقلش کی وجہ سے دشمن کے میزائل شیعہ اور سنی کی تفریق نہیں کرتے، دشمنوں کا نشانہ مسلمان ہیں، دشمنوں کے میزائل یہ نہیں دیکھتے کہ کون شیعہ اور کون سنی ہے، اس کی طرف سے مسلمانوں پر میزائل داغے جا رہے ہیں۔ امت کو توڑنے والے استعمار کے ایجنٹ ہیں، جوڑنے والے حقیقی مسلمان ہیں، اتحاد کا قطرہ سمندر بننے جا رہا ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial