کویت پٹرولیم نے پاکستان میں آپریشنز ختم کرنے کا فیصلہ کر لیا

اسلام ٹائمز۔ خلیجی کمپنی کویت پیٹرولیم نے پاکستان میں اپنے آپریشنز سمیٹنے کا فیصلہ کر لیا۔ قومی روزنامے کی رپورٹ کے مطابق کویت فارن پیٹرولیم ایکسپوریشن کمپنی (کفپیک) کی جانب سے پاکستان میں تیل و گیس کے شعبے میں اپنے آپریشنز کو سمیٹنے کا سلسلہ شروع کر دیا گیا ہے، جس کے لیے کمپنی نے تقریباَ 6 کروڑ مالیت کے کلیدی اثاثے پاکستان ایکسپلوریشن پرائیویٹ لمیٹڈ کو فروخت کر دیئے۔ رپورٹ کے مطابق وزارت توانائی کے ایک سینئر افسر نے بتایا کہ غیرملکی ای اینڈ پی کمپنیاں گیس کے شعبے میں 2 ہزار 700 ارب روپے کے گردشی قرضے سے پریشان ہیں۔