قائد اعظم نے برصغیر کے مسلمانوں کی الگ شناخت اور سیاسی روڈ میپ کا تصور دیا، سید مہدی شاہ

 

گورنر گلگت بلتستان نے مزید کہا کہ قائد اعظم محمد علی جناح کی بہترین سیاسی شعور کی وجہ سے مسلمانان پاک و ہند انگریزوں اور ہندو سامراج کے سامنے ڈٹ گئے اور قوت ایمانی کے ذریعے ایک الگ آزاد ریاست کا قیام عمل میں آیا۔ قائد اعظم وطن عزیز پاکستان کے پہلے گورنر جنرل تھے، بحیثیت گورنر جنرل محمد علی جناح نے لاکھوں پناہ گزینوں کی آبادکاری، ملک کی داخلی و خارجی پالیسی، تحفظ اور معاشی ترقی کے لئے جدوجہد کی۔ سید مہدی شاہ نے امید ظاہر کی کہ قوم وطن عزیز پاکستان کی سالمیت، بقاء اور تعمیر و ترقی کے لئے کسی بھی قربانی سے دریغ نہیں کرے گی اور پاکستان کو ترقی کی راہ پر گامزن کرنے میں انفرادی اور اجتماعی طور پر بھرپور کردار ادا کرے گی۔