خنجراب پاس کو پہلی بار موسم سرما میں سیاحت کیلئے کھول دیا گیا

 

دونوں ممالک کے مقررین نے خنجراب پاس کو سال بھر سیاحوں کے لیے کھولنے کو ایک تاریخی کامیابی قرار دیا جس سے خاص طور پر گلگت بلتستان اور سنکیانگ میں سیاحت کے فروغ میں بہت مدد ملے گی۔گلگت بلتستان کے محکمہ سیاحت کے سربراہ اقبال حسین نے کہا کہ اگرچہ خنجراب پاس کو 1984ء میں سیاحت کے لئے کھول دیا گیا تھا تاہم موسم سرما کے دوران خراب موسمی حالات کی وجہ سے اسے بند کردیا جاتا تھا اور یہ صرف موسم گرما تک محدود تھا۔انہوں نے کہا کہ موسم سرما کی سیاحت سے محظوظ ہونے کے لیے سال بھر سرحد کھولنے کا آغاز ضروری تھا۔ تاشغرغن کے ڈپٹی کمشنر نے اس امید کا اظہار کیا کہ خنجراب پاس کے ذریعے سفر سے علاقے میں معیار زندگی میں بہتری آئے گی۔