اسرائیل اقتدار کی تبدیلی کا فائدہ اٹھا رہا ہے، یو این او میں شامی مندوب

اسلام تائمز۔ نیویارک میں اقوام متحدہ میں شام کے مندوب نے ایک پریس کانفرنس کے دوران شام کے خلاف اسرائیلی جارحیت پر تبصرہ کرتے ہوئے کہا  ہے کہ موجودہ حکومت کی ہدایات پر شام نے سلامتی کونسل اور اقوام متحدہ کے سیکرٹری جنرل کو ایک اپیل بھیجی ہے جس میں مطالبہ کیا گیا ہے کہ وہ اسرائیلی جارحیت بند کریں۔ اقوام متحدہ میں شام کا مستقل مشن ملک کے ریاستی اداروں کے حصے کے طور پر کام جاری رکھے ہوئے ہے اور ہم شامی عوام کے مفادات کی نمائندگی کرتے ہیں اور ہم ایسا کرتے رہیں گے۔ انہوں نے کہا کہ ہم موجودہ وزیر اعظم اور وزیر خارجہ کے ساتھ مل کر کام کر رہے ہیں اور ہم نئی حکومت کے منتظر ہیں۔