QR Code
خنجراب پاس کو پہلی بار موسم سرما میں سیاحت کیلئے کھول دیا گیا
12 Dec 2024 10:48
دونوں ممالک کے مقررین نے خنجراب پاس کو سال بھر سیاحوں کے لیے کھولنے کو ایک تاریخی کامیابی قرار دیا جس سے خاص طور پر گلگت بلتستان اور سنکیانگ میں سیاحت کے فروغ میں بہت مدد ملے گی۔
اسلام ٹائمز۔ پاکستان اور چین کی سرحد پر واقع خنجراب پاس کو پہلی بار موسم سرما کے دوران سیاحت کے لیے کھول دیا گیا۔ رپورٹ کے مطابق تاجکستان کی سرحد پر واقع چین کے شہر تاشغرغن میں اس موقع پر ایک رنگا رنگ افتتاحی تقریب کا انعقاد کیا گیا۔ تقریب کے بعد 21 مندوبین کو لے کر ایک سیاحتی بس چین سے پاکستان کے لیے روانہ ہوئی۔فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر کے معاون راجا نظیم الامین نے تقریب میں پاکستانی وفد کی قیادت کی۔ وفد نے گلگت بلتستان اور چین کے شمال مغربی علاقوں میں تجارت اور سیاحت کے فروغ ذرائع تلاش کرنے کے لیے چینی حکومت کے حکام اور ٹریول ایجنٹوں سے ملاقاتیں کیں۔
خبر کا کوڈ: 1177887