حماس اور فلسطینیوں کو یقین دلاتے ہیں 25 کروڑ پاکستانی آپ کے ساتھ ہیں، لیاقت بلوچ

 

لیاقت بلوچ کا کہنا ہے کہ دنیا پر تیسری عالمی جنگ کے خطرات منڈلا رہے ہیں، یہ صورت حال ایک ایٹمی جنگ کی طرف جا سکتی ہے، فلسطین کا مسئلہ حل کیے بغیر امن قائم نہیں ہو سکتا۔ جماعت اسلامی کے رہنما نے کہا کہ غزہ میں خوراک، پانی اور ادویات کی قلت ہے۔ امریکا، برطانیہ اور یورپی ممالک اپنے خلاف نفرت بڑھا رہے ہیں، مستحکم اسلامی پاکستان عالم اسلام میں اپنی عزت کا مقام بنا سکتا ہے۔ ان کا یہ بھی کہنا ہے کہ حماس اور فلسطینیوں کو یقین دلاتے ہیں 25 کروڑ پاکستانی آپ کے ساتھ ہیں۔