نوشہرہ، ون ویلنگ کرتے ہوئے حادثہ، دو نوجوان جاں بحق، دو شدید زخمی

اسلام ٹائمز۔ نوشہرہ میں تین موٹر سائیکلیں ون ویلنگ کے دوران آپس میں ٹکرانے سے دو نوجوان جاں بحق اور دو شدید زخمی ہوگئے۔ تفصیلات کے مطابق واقعہ نوشہرہ اکوڑہ خٹک کے علاقے شیدو میں پیش آیا، جہاں نوجوان ون ویلنگ میں مصروف تھے کہ یہ حادثہ پیش آگیا۔ ون ویلنگ کرتے ہوئے تین موٹر سائیکلوں کا آپس میں تصادم ہوگیا نتیجے میں دو نوجوان موقع پر ہی جان سے ہاتھ دھو بیٹھے جب کہ دو نوجوان شدید زخمی ہیں جنہیں اسپتال پہنچا دیا گیا، امدادی ادارے 1122 کے مطابق تمام افراد کا تعلق شیدو سے ہے۔