دشمن سزا سے محفوظ نہیں رہے گا، ابوعبیدہ

اسلام ٹائمز۔ گردان‌های شہید عزالدین قسام کے ترجمان نے کہا کہ آج صبح حزب اللہ کی کارروائی ایک بار پھر یہ ثابت کرتی ہے کہ صہیونی رژیم کی اسٹریٹجک صورتحال "طوفان الاقصی" کے بعد تبدیل ہو گئی ہے اور دشمن سزا سے محفوظ نہیں رہے گا۔ فارس نیوز کے مطابق قسام کے ترجمان ابوعبیدہ نے کہا ہے کہ ہم حزب اللہ کی طرف سے شہید 'فواد شکر' کے قتل کے جواب میں کی جانے والی کارروائی کو اپنے بھائیوں کو مبارکباد دیتے ہیں اور لبنان کی مزاحمت اور لوگوں کی عظیم قربانیوں کی تعریف کرتے ہیں۔ ابوعبیدہ نے مزید کہا کہ حزب اللہ کی یہ کارروائی ایک بار پھر ثابت کرتی ہے کہ صہیونی رژیم کی اسٹریٹجک صورتحال طوفان الاقصی کے بعد تبدیل ہو چکی ہے اور دشمن کسی بھی جگہ، کسی بھی محاذ سے مجازات سے محفوظ نہیں رہے گا۔

قسام کے ترجمان نے کہا کہ جب تک ہمارے لوگوں کے خلاف حملے جاری رہیں گے، تمام محاذوں پر بے چینیاں اور دشمن کے خلاف بڑھتی ہوئی کارروائیاں جاری رہیں گی۔ حزب اللہ نے آج صبح "فواد شکر" کے شہادت کے جواب میں صہیونی رژیم کے شمال اور وسطی فلسطین اشغالی میں موجود فوجی مقامات کو وسیع حملے کا نشانہ بنایا۔ اس کارروائی میں حزب اللہ نے صہیونی علاقوں کی گہرائی میں حملے کے لیے سیکڑوں راکٹ اور خودکش ڈرونز کا استعمال کیا۔