حماس غزہ کے مرکز میں اپنی طاقت کو دوبارہ تعمیر کر رہا ہے، صیہونی میڈیا

اسلام ٹائمز۔ صیہونی حکومت کی ریڈیو اور ٹیلی ویژن ادارے نے انتباہ دیا ہے کہ حماس غزہ کی پٹی کے وسط میں اپنی طاقت کو دوبارہ تعمیر کر رہا ہے۔ فارس نیوز کے مطابق، صیہونی ریڈیو اور ٹیلی ویژن نے بدھ کی شام ایک رپورٹ میں کہا کہ حماس غزہ کے وسط میں اپنی طاقت کو دوبارہ استوار کر رہا ہے۔ یہ اس بات کے باوجود ہے کہ اسرائیل کے جنگی جرائم غزہ میں بدستور جاری ہیں۔ صیہونی فوج ایک سال سے زیادہ عرصے سے غزہ کی پٹی کو محاصرے میں لیے ہوئے ہے اور اس علاقے کے کئی رہائشی علاقوں کو تباہ کر چکا ہے۔ غزہ کی حکومت کے اطلاعاتی دفتر نے پہلے ایک بیان میں کہا تھا کہ اسرائیل نے غزہ کے لوگوں پر 85 ہزار ٹن بم گرائے ہیں۔ غزہ کی وزارت صحت کے اعداد و شمار کے مطابق، صیہونی حملوں میں تقریباً 45 ہزار فلسطینی شہید ہو چکے ہیں، جن میں زیادہ تر خواتین اور بچے شامل ہیں۔ بین الاقوامی اداروں کا کہنا ہے کہ غزہ کی پٹی کی دوبارہ تعمیر اور ان بموں کو ناکارہ بنانے میں جو ابھی تک نہیں پھٹے ہیں، کئی سالوں کا وقت لگے گا۔