صیہونی فورسز کی غزہ کے پناہ گزین کیمپوں پر بمباری، مزید 100 فلسطینی شہید

اسلام ٹائمز۔ اسرائیلی فوج نے غزہ کے پناہ گزین کیمپوں پر بمباری کی، جس کے نتیجے میں کل سے اب تک مزید سو سے زیادہ فلسطینی شہید ہوگئے۔ دوسری جانب یمن سے حوثی مجاہدین نے وسطی اسرائیل پر ہائپر سونک میزائل داغنے کا دعویٰ کیا ہے۔ درایں اثناء جنگ بندی مذاکرات کے لیے حماس کا وفد مصر میں موجود ہے، اسرائیلی صدر نے جنگ بندی بات چیت جاری ہونے کی تصدیق کی ہے۔ عیسائیوں کے روحانی پیشوا پوپ فرانسس نے لبنان کی طرح غزہ میں بھی جلد جنگ بندی کا مطالبہ کیا ہے۔