آئندہ بجٹ میں صحافیوں کیلئے مزید 10 کروڑ روپے مختص کرینگے، گلبر خان

اسلام ٹائمز۔ وزیر اعلیٰ گلگت بلتستان حاجی گلبر خان سے گلگت بلتستان یونین آف جرنلسٹس کے وفد نے ملاقات کی۔ ملاقات میں معاون خصوصی برائے اطلاعات ایمان شاہ بھی موجود تھے۔ گلگت بلتستان یونین آف جرنلٹس کے صدر خالد حسین نے میڈیا کو درپیش مشکلات سے آگاہ کیا۔ اس موقع پر وزیر اعلیٰ حاجی گلبر خان نے یونین کے وفد سے گفتگو کرتے ہوئے کہا کہ ہماری کوشش ہے صحافیوں سمیت اخباری صنعت کو درپیش مشکلات کے حل کے لئے اقدامات کئے جائیں۔ پہلی بار ہم نے صحافیوں کی فلاح وبہبود کے لئے دس کروڑ روپے سے انڈونمنٹ فنڈ قائم کیا ہے جس سے صحافیوں کے ہیلتھ، ایجوکیشن سمیت دیگر معاملات حل ہونگے۔