حکومت اور مسلح افواج کے ہاتھ مضبوط کرنا ہونگے، حفیظ الرحمن

اسلام ٹائمز۔ مسلم لیگ( ن) گلگت بلتستان کے صدر و سابق وزیر اعلیٰ حافظ حفیظ الرحمن نے کہا ہے کہ ملک کی ترقی اور خوشحالی کے لئے سب کو مل کر کردار ادا کرنا ہوگا،حکومت اور مسلح افواج کے ہاتھ مضبوط کرنا ہوں گے، انتشاری سیاست کا خاتمہ ضروری ہے کیونکہ انتشاری سیاست ختم ہوئے بغیر ملک ترقی نہیں کرسکتا۔ قائد اعظم کے پاکستان کو حقیقی معنوں میں میاں نواز شریف کی سرپرستی، میاں شہباز شریف کی شبانہ روز محنت اور مسلم لیگ نون کے بے لوث کارکنوں کی محب وطن سوچ ہی تعمیر و ترقی کی بلندیوں تک پہنچا سکتی ہے، ان خیالات کا اظہار انہوں نے بانی پاکستان قائد اعظم محمد علی جناح اور صدر مسلم لیگ نون میاں محمد نواز شریف کی سالگرہ کی مناسبت سے منعقدہ پروقار تقریب سے خطاب کرتے ہوئے کیا۔