گلگت، امامیہ آرگنائزیشن کے زیر اہتمام حمایت فلسطین و لبنان کانفرنس کا انعقاد

اسلام ٹائمز۔ فلسطین اور لبنان پر اسرائیل کی وحشیانہ بمباری، انسانی حقوق کی سنگین خلاف ورزی اور مسلم امہ کی خاموشی لمحہ فکریہ ہے، ہزاروں بچوں، خواتین اور شہریوں کی شہادت پر خاموش مسلم ممالک کا کردار وقت کا یزید کے ساتھ دینے کا مترادف ہے، امریکہ و اسرائیل کے خلاف مسلم امہ کا اتحاد وقت کی ضرورت ہے، اسماعیل ہانیہ، سید حسن نصراللہ، اور دیگر مجاہدین کی قربانیوں کو سرخ سلام پیش کرتے ہیں۔ اسرائیلی جارحیت کے خلاف ایران، حماس، حزب اللہ، لبنان، یمن، عراق کے مجاہدین کی جوابی کاروائیاں قابل ستائش ہیں، وقت کے یزید کے خلاف حسینی پیروکاروں کا کردار اسلام کی بقا کا ضامن ہے، مسلم ممالک کی آپس میں نااتفاقی کی وجہ سے امریکہ کے ایما پر اسرائیل بے گناہ اور نہتے مسلمانوں کو بمباری میں تیزی لاتے ہوئے فلسطین کے نہتے مسلمانوں کو ختم کرنے پر تلا ہو ا ہے جوکہ یزیدیت اور فسطائیت کی بدترین مثال ہے، رہبر معظم کے جمعہ کا خطبہ مسلم ممالک کیلئے روڈ میپ ہے جس پر عمل کرنے سے ہی اسلامی ممالک کی بقا ہے۔