پاراچنار کیلئے ادویات اور راشن کی بڑی کھیپ اسلام آباد سے روانہ

اسلام ٹائمز۔ جے ڈی سی اور گورنر سندھ کی جانب سے ادویات اور راشن کی بڑی کھیپ اسلام آباد سے پشاور روانہ کردی گئی جہاں سے ہیلی کاپٹر کے ذریعے کرم ایجنسی پہنچائی جائے گی۔ اس موقع پر گورنر سندھ کامران خان ٹسوری، سربراہ جے ڈی سی ظفر عباس، سربراہ ایم کیو ایم پاکستان ڈاکٹر خالد مقبول صدیقی، ڈاکٹر فاروق ستار، ایم ڈبلیو ایم کے رکن قومی اسمبلی انجینئر حمید حسین بھی موجود تھے۔ قبل ازیں رہنماؤں نے میڈیا سے گفتگو کی اور کرم ایجنسی کے مسئلے کے مستقل حل کے لئے ہر ممکن تعاون کی یقین دہانی کرائی۔