رانی عتیقہ نے ہنزہ کیلئے اضافی نشست کے معاملے کو ثبوتاژ کیا، دلشاد بانو

اسلام ٹائمز۔ وزیر ترقی و نسواں گلگت بلتستان دلشاد بانو نے سابق رکن اسمبلی رانی عتیقہ غظنفر کے الزامات کو مسترد کرتے ہوئے کہا ہے کہ رانی عتیقہ علاقائی تفرقہ پھیلانے سے اجتناب کریں، میں ہنزہ کی بیٹی ہوں اور ہنزہ کے ساتھ میرا دل دھڑکتا ہے اور پورا گلگت بلتستان میرا ہے، جتنا کام میں نے ہنزہ کے لئے اور باالخصوص خواتین کی ترقی کے لئے کیا اتنا آپ صرف سوچ سکتی ہو۔ انہوں نے کہا کہ ہنزہ میں اضافی نشست کے حصول میں رکاوٹ بننے کی ذمہ دار رانی عتیقہ ہے جنہوں نے مسلم لیگ نون کے وفاقی دور حکومت میں ہنزہ کے لئے اضافی نشست کے معاملے کو سبوتاژ کیا اور آج اپنی ہمدردیاں سمیٹنے کے لئے من گھڑت اور تفرقہ بازی پر مشتمل بیانات دے رہی ہیں جس کی شدید مذمت کرتی ہوں۔