آغا علی اور کاظم میثم کا ہنزہ دھرنا قائدین سے رابطہ، تحریک کی مکمل حمایت کا اعلان

اسلام ٹائمز۔ اپوزیشن لیڈر کاظم میثم اور آغا علی رضوی نے ہنزہ دھرنا مظاہرین سے رابطہ کیا اور دھرنے کی حمایت کا اعلان کیا۔ دونوں رہنماؤں نے عبید اللہ بیگ اور دیگر ایکشن کمیٹی کے مظاہرین سے رابطہ کر کے مطالبات سنے۔ اپوزیشن لیڈر کاظم میثم نے اس موقع پر کہا کہ بجلی دو تحریک عوام کی جانب سے اہم تحریک ہے، ہنزہ سمیت پورا گلگت بلتستان اندھیرے میں ہے اور تاریک نگری بن چکا ہے، قلیل المیعاد بنیادوں پر بھی لوڈشیدنگ دورانیے کو کم کرنے کے لیے حکومت اقدامات اٹھائے۔ انہوں نے کہا کہ سی پیک روٹ پر ٹھٹھرتی سردی میں دھرنا دینے والے عوام کی فوری سنی جائے۔ سید علی رضوی نے اس موقع پر کہا کہ گلگت بلتستان کو بحرانوں میں دھکیلا ہوا ہے اور کوئی پرسان حال نہیں۔