یمن کی شہری تنصیبات پر اسرائیلی طیاروں کی بمباری

 

 اسرائیلی طیاروں نے دارالحکومت کے شمال میں واقع صنعاء کے بین الاقوامی ہوائی اڈے کو دو مرتبہ نشانہ بنایا، اور صنعاء کے جنوب میں واقع ہزیز سینٹرل پاور اسٹیشن پر بھی بمباری کی گئی۔ رپورٹ کے مطابق اس جارحیت میں امریکی بحریہ کے جہازصں نے بھی حصہ لیا۔ ادھر مغربی یمن میں بحیرہ احمر کے ساحلی شہر کے شمال میں واقع راس قتیب سنٹرل الیکٹرسٹی پروڈکشن سٹیشن کو بھی نشانہ بنایا گیا ہے۔

 

دوسری طرف انصار اللہ کے ترجمان محمد عبد السلام نے صنعا کے بین الاقوامی ہوائی اڈے اور دیگر شہری انفراسٹرکچر کیخلاف اسرائیلی جارحیت کے ردعمل میں کہا کہ اگر صیہونی دشمن یہ سمجھتا ہے کہ وہ ان حملوں کے ذریعے یمن کو غزہ کی حمایت سے روک دے گا تو یہ ان کی خام خیالی ہے۔ انہوں نے کہا کہ یمن اپنے مذہبی اور انسانی اصولوں سے کبھی دستبردار نہیں ہو گا۔