نجی ایئرلائن فلائی جناح میں ایک اور نئے طیارے کا اضافہ

اسلام ٹائمز۔ نجی ایئرلائن فلائی جناح میں ایک اور نئے طیارے کا اضافہ کردیا گیا ہے۔ فلائی جناح میں طیاروں کی تعداد بڑھ کر 6 ہوگئی اور مزید 3 طیارے آئندہ آنے والے عرصے میں فضائی بیڑے میں شامل ہوں گے۔ سستے ترین کرایوں کی حامل ملکی نجی ائیرلائن میں شامل نئے ائیربس 320 ساختہ طیارے کے ذریعے کراچی-اسلام آباد کی پرواز 670 آپریٹ کی گئی اور یہ طیارہ 15 دسمبر کو جمہوریہ چیک کے شہر اوسٹراوا سے کراچی پہنچا تھا۔ نیا طیارہ ائیر لائن کے لوگو اور پینٹ کے بعد پاکستان لایا گیا، 2 سال قبل قائم کی گئی فلائی جناح ملکی اور غیرملکی 11 منزلوں پر پروازیں آپریٹ کررہی ہے۔