2 دنوں سے بھی کم وقت میں شام پر 300 سے زائد اسرائیلی حملے

اسلام ٹائمز۔ غاصب صیہونی رژیم کی جانب سے شام پر شدید حملوں کا سلسلہ جاری ہے جبکہ صہیونی میڈیا نے خبر دی ہے کہ اسرائیل نے گذشتہ 48 گھنٹوں کے دوران شام پر 300 سے زائد حملے کئے ہیں۔ اسرائیلی میڈیا کے ساتھ گفتگو میں حکومتی ذرائع نے دعوی کرتے ہوئے کہا کہ ہم شامی فضائیہ کو تباہ کرنے کی کوشش میں ہیں۔ ادھر عرب میڈیا نے بھی حمص، حلب اور حماہ نامی شامی شہروں میں واقع اہم فوجی تنصیبات پر جارح اسرائیلی فضائیہ کے درجنوں حملوں کی خبر دی ہے۔