جی بی کی تاریخ میں پہلی مرتبہ سڑکوں کو بلاسٹنگ کر کے بلاک کیا گیا، خالد خورشید

 

محمد خالد خورشید کا کہنا تھا کہ وزیراعلی گلبر خان، حافظ حفیظ الرحمان اور امجد حسین ایڈووکیٹ تینوں نے پی ٹی آئی کے آڑ میں جی بی کے عوام کے ساتھ دشمنی نکالی ہے وہ وقت دور نہیں آپ کا حساب کتاب برابر کریں گے۔ خالد خورشید نے کہا کہ پی ٹی آئی کے کارکنان کی گرفتاری کے لئے چھاپے مارے جا رہے ہیں۔ جی بی پولیس اور انتظامیہ کا غلط استعمال کیا جا رہا ہے۔ سابق وزیراعلی جی بی کا مذید کہنا تھا کہ گلگت بلتستان کے ورکرز نکلیں اور ڈی چوک پہنچیں۔ ان کو معلوم ہے یہ پولیس اور انتظامیہ کے ذریعے عوام کو روک نہیں سکتے اس لئے روڈ بلاک کیا گیا ہے۔ ان کو معلوم نہیں کہ روڈ بلاک کر کے پی ٹی آئی کے ورکرز کو روکا نہیں جا سکتا ہے۔