حکومت دہشتگردوں کیخلاف فیصلہ کن کارروائی کرے، ڈاکٹر محمد علی جوہر

اسلام ٹائمز۔ جمیعت اہلحدیث بلتستان کے نامور عالم دین ڈاکٹر محمد علی جوہر نے کہا ہے کہ پاراچنار کے مسافروں پر حملے کرنے والے اسلام دشمن اور ملک دشمن ہیں، ایسے لوگ دائرہ اسلام سے خارج ہیں، ایسے عناصر کی بیخ کنی کیلئے ریاستی اداروں کو کردار ادا کرنا ہوگا، دہشت گردانہ حملوں میں ملوث افراد کسی بھی صورت میں رعایت کے مستحق نہیں ہیں، ہمیں باہمی اتحاد اتفاق کے ذریعے ایسے ناپاک عزائم رکھنے والے عناصر کا محاسبہ کرنا ہوگا، اللہ تعالیٰ خود فرماتا ہے کہ ایک انسان کا قتل پوری انسانیت کے قتل کے مترادف ہے، یہاں تو ایک نہیں دو نہیں 81 انسانوں کو بے دردی سے شہید کیا گیا ہے۔