QR Code

جی بی کی تاریخ میں پہلی مرتبہ سڑکوں کو بلاسٹنگ کر کے بلاک کیا گیا، خالد خورشید

25 Nov 2024 10:28

سابق وزیراعلی جی بی کا مذید کہنا تھا کہ گلگت بلتستان کے ورکرز نکلیں اور ڈی چوک پہنچیں۔ ان کو معلوم ہے یہ پولیس اور انتظامیہ کے ذریعے عوام کو روک نہیں سکتے اس لئے روڈ بلاک کیا گیا ہے۔ ان کو معلوم نہیں کہ روڈ بلاک کر کے پی ٹی آئی کے ورکرز کو روکا نہیں جا سکتا ہے۔

اسلام ٹائمز۔ سابق وزیر اعلیٰ گلگت بلتستان و صوبائی صدر تحریک انصاف محمد خالد خورشید نے اپنے ایک ویڈیو بیان میں کہا ہے کہ جی بی کی 75 سالہ تاریخ میں پہلی بار کچھ لوگوں نے خود بلاسٹنگ کر کے تمام رابطہ سڑکیں بند کر دی ہیں۔ شاہراہِ قراقرم پر تتا پانی کے مقام پر روڈ کو ہی کاٹ دیا گیا ہے۔ میں ان کو پیغام دیتا ہوں کہ ہمارے ورکرز بلاک کراس کر کے ڈی چوک پہنچیں گے۔ سابق وزیراعلی نے کہا کہ مجھے اطلاع ملی ہے کہ بہت سے مریض اور کاروبار کی غرض سے آنے والوں کو سڑکیں بند کر کے روک دیا گیا ہے۔ میں ان سے پوچھتا ہوں کہ آپ کو کس چیز کا اتنا خوف ہے۔ آپ کا جو مقدر ہے وہ آپ کو ملنا ہے جو زیادتی آپ نے اس قوم کے ساتھ کی ہے۔ 

خبر کا کوڈ: 1174627