چلاس میں پھنسے مسافروں میں پاک فوج کی جانب سے اشیاء خوردونوش تقسیم

اسلام ٹائمز۔ چلاس گونر فارم میں پھنسے ہوئے مسافروں کے لیے پاک فوج کی امدادی سرگرمیاں جاری ہیں، تفصیلات کے مطابق جی بی سکاؤٹس نے گونر فارم چلاس میں لینڈ سلائیڈنگ کی وجہ سے پھنسے ہوئے مسافروں میں اشیائے خورد و نوش تقسیم کیے۔ مسافروں کے لیے جی بی سکاؤٹس نے پانی اور خوراک کے ساتھ ساتھ بچوں کے لیے دودھ اور دیگر اشیاء ضروریات تقسیم کیں۔ مسافروں نے پاک آرمی کا شکریہ ادا کیا جنہوں نے مسافروں کی مشکلات کو مدنظر رکھتے ہوئے ان کے لیے بروقت کھانے پینے کا انتظام کیا۔