لینڈ ریفارمز پر حکومت نے کوئی سنجیدہ مذاکرات نہیں کیے، کاظم میثم

اسلام ٹائمز۔ اپوزیشن لیڈر جی بی اسمبلی کاظم میثم نے کہا ہے کہ لینڈ ریفارمز بل پر حکومت کی جانب سے تاحال اپوزیشن کے ساتھ کوئی سنجیدہ مذاکرات نہیں کیے گئے ہیں۔ گلگت بلتستان میں بننے والی ہر حکومت خطے کی نمائندگی کے بجائے وفاق کی ترجمانی کرتی ہے۔ ایک انٹرویو میں کاظم میثم نے کہا کہ ہم لینڈ ریفارمز بل کو بغیر ترامیم مکمل طور پر مسترد کرتے ہیں۔ اس بل کے تحت گلگت بلتستان، خاص طور پر بلتستان کے پہاڑ، مکمل طور پر حکومت کی ملکیت قرار دیے گئے ہیں۔