امریکا نے اپنے شہریوں کو مقبوضہ علاقوں میں احتیاط کی ہدایت دی

اسلام ٹائمز۔ امریکا کی سفارت خانہ قدس نے اپنے شہریوں سے کہا ہے کہ وہ پیچیدہ سیکیورٹی حالات کے پیش نظر احتیاط اور سیکیورٹی آگاہی کی پابندی کریں۔ فارس نیوز کے مطابق حزب اللہ لبنان کی طرف سے مقبوضہ علاقوں پر میزائل اور ڈرون حملوں کے بعد، واشنگٹن نے ایک بیان جاری کیا اور امریکی شہریوں کو زیادہ احتیاطی تدابیر اپنانے کا مشورہ دیا۔ بیان میں کہا گیا ہے کہ سیکیورٹی حالات میں مسلسل احتیاط اور آگاہی کی ضرورت ہے۔

بیان میں مزید کہا گیا ہے کہ اسرائیل اور حزب اللہ کے درمیان بڑھتی ہوئی کشیدگی کے پیش نظر ہم سیکیورٹی کی صورتحال پر قریب سے نظر رکھے ہوئے ہیں۔ سفارت خانہ نے یہ بھی کہا ہے کہ سیکیورٹی ماحول پیچیدہ ہے اور تیزی سے تبدیل ہو سکتا ہے۔ حزب اللہ لبنان نے آج (اتوار) کو فواد شکر کی شہادت کے بعد ابتدائی ردعمل کے طور پر اسرائیل کی اراضی پر ایک بڑے فضائی حملے کی خبر دی ہے۔ حزب اللہ نے بتایا کہ اب تک 320 سے زیادہ کاتیوشا میزائل دشمن کی پوزیشنوں پر فائر کیے گئے ہیں۔