غیر قانونی مقیم غیر ملکیوں کا انخلا جاری، آج 425 خاندان واپس بھیجے گئے

اسلام ٹائمز۔ محکمہ داخلہ و قبائلی امور خیبرپختونخوا کے مطابق پاکستان سے غیر قانونی طور پر مقیم غیر ملکیوں کے انخلا کا سلسلہ جاری ہے۔ محکمہ داخلہ کے مطابق مجموعی طور پر طورخم بارڈر کے راستے 216083 افراد افغانستان بھیجے گئے ہیں۔ اب تک 18592 خاندان، 60783 مرد، 47728 خواتین اور 107572 بچے جا چکے ہیں۔ آج 425 خاندان واپس افغانستان بھیجے گئے جس میں 411 مرد، 448 خواتین اور 813 بچے شامل تھے۔