اسحاق ڈار نواز شریف سے میر ی شکایتیں لگاتے تھے، مفتاح اسماعیل

اسلام ٹائمز۔ سابق وفاقی وزیر خزانہ مفتاح اسماعیل نے کہا ہے کہ نواز شریف سے اسحاق ڈار میری شکایتیں لگاتے تھے۔ اپنے ایک انٹرویو میں مفتاح اسماعیل نے شاہد خاقان عباسی کے بعد نئی پارٹی کی تشکیل کا اشارہ دے دیا۔ انہوں نے کہا کہ اس وقت ملک میں نئی جماعت کی گنجائش موجود ہے، کیونکہ پہلے سے موجود سیاسی جماعتیں ڈیلیور نہیں کر پائیں۔

سابق وفاقی وزیر نے مزید کہا کہ پہلے انہوں نے اور پھر شہباز شریف نے ملک کو ڈیفالٹ سے بچایا۔ اُن کا کہنا تھا کہ اسحاق ڈار نے ان کے خلاف ٹی وی پروگرامز کروائے، بیانات جاری کروائے، کیونکہ انہیں وزیر بننے کا جنون تھا۔ مفتاح اسماعیل نے یہ بھی کہا کہ اسحاق ڈار ان کے کالمز اور ٹی وی پروگرامز میں کی گئی گفتگو پر نواز شریف کو شکایتیں لگاتے تھے۔