Sunday 20 Aug 2023 18:20

متنازعہ توہین صحابہ ترمیمی بل پر امام جمعہ کوئٹہ علامہ سید ہاشم موسوی سے خصوصی گفتگو

Name: متنازعہ توہین صحابہ ترمیمی بل پر امام جمعہ کوئٹہ علامہ سید ہاشم موسوی سے خصوصی گفتگو
Uploaded: 2024-11-25 10:30

متعلقہ فائیلیںکوئٹہ سے تعلق رکھنے والے علامہ سید ہاشم موسوی امام جمعہ کوئٹہ اور مجلس علمائے مکتب اہلبیت کے مرکزی نظارت کے رکن ہیں۔ انکے والد گرامی سید محمد شاہ اپنے علاقے میں دین کی ابتدائی تعلیمات دینے اور دیگر مذہبی امور میں مصروف رہتے تھے۔ علامہ ہاشم موسوی نے اپنی ابتدائی تعلیم کوئٹہ کے پرائمری سکول اور اسلامیہ ہائی سکول سے حاصل کی۔ دور طالب علمی میں ہی انہوں نے امامیہ اسٹوڈنٹس آرگنائزیشن میں شمولیت اختیار کی اور اپنی دینی و سماجی خدمات کا آغاز کیا۔ انہوں نے چند برسوں بعد دینی تعلیمات کا بھی آغاز کیا اور شہید قائد علامہ سید عارف حسین الحسینی کی شاگردی کا شرف حاصل کیا۔ انہوں نے اپنی ابتدائی دینی تعلیمات علامہ عارف حسینی کے مدرسے سے حاصل کیں، جو پاراچنار میں واقع ہے۔ ابتدائی تعلیم کے بعد انہوں نے اعلیٰ تعلیم حاصل کرنے کا ارادہ کیا اور 1988ء کو قم المقدس چلے گئے۔ وہ بائس سال تک وہاں زیر تعلیم رہے۔ علامہ ہاشم موسوی تعلیم حاصل کرنے کے دوران بھی وقتاً فوقتاً کوئٹہ آتے اور تبلیغات دین میں حصہ لیتے تھے۔ بعد ازاں اس دور میں کوئٹہ کے امام جمعہ علامہ یعقوب توسلی علیل ہوگئے تو مومنین نے ان سے کوئٹہ تشریف لانے کی درخواست کی اور انکو امام جمعہ کوئٹہ کے منصب پر فائز کر دیا گیا۔ انہوں نے اپنی دینی خدمات جاری رکھتے ہوئے مجلس وحدت مسلمین پاکستان کے قیام میں بھی حصہ لیا اور مسلمانوں کے درمیان اتحاد کے راستے ہموار کئے۔ علامہ سید ہاشم موسوی اس وقت مجلس علمائے مکتب اہلبیت کے مرکزی نظارت کے رکن ہیں۔ اسلام ٹائمز گفتگو کرتے ہوئے علامہ سید ہاشم موسوی نے سینیٹ سے پاس ہونے والے توہین صحابہ ترمیمی بل پر اپنے تحفظات کا اظہار کیا۔ انہوں نے کہا اس بل میں عام شہریوں کو بھی ایف آئی آر کرنے کا اختیار دیا گیا ہے۔ جس کا غلط استعمال کیا جا سکتا ہے۔ صحابہ اور توہین کا مطلب بھی واضح نہیں ہیں۔ جسکے باعث مزید مسائل بن سکتے ہیں۔ اس بل سے اسلامی تاریخ پر تحقیق کے دروازے بھی بند ہونگے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial

متنازعہ توہین صحابہ ترمیمی بل پر امام جمعہ کوئٹہ علامہ سید ہاشم موسوی سے خصوصی گفتگو

تازہ ترین

مقبول ترین

ہاٹ نیوز

پربحث ترین