حفیظ الرحمن کی کرپشن کا ہر دروازے بند کر دینگے، فتح اللہ خان

اسلام ٹائمز۔ گلگت بلتستان بورڈ آف انویسٹمنٹ کے چیئرمین فتح اللہ خان نے کہا ہے کہ حفیظ الرحمن کان کھول کر سن لیں، میرے 4 سالہ دور میں 5 ارب 40 کروڑ کی اے ڈی پی ہے، پانچ سال تک بطور چیئرمین حفیظ الرحمن بورڈ آف انویسمنٹ کا امیدوار رہا، حفیظ مسلم لیگ نون کا صدر بھی نہیں رہے، بے روزگاری سے تنگ آکر چلا رہے ہیں، صرف ٹھیکیداری کرنا لیڈر کا کام نہیں، الیکشن کے لیے مجھے کسی سیاسی جماعت کی ضرورت نہیں۔ فتح اللہ خان نے گلگت میں میڈیا کے نمائندوں سے گفتگو کرتے ہوئے سابق وزیر اعلی حفیظ الرحمن پر شدید تنقید کرتے ہوئے کہا کہ جب حفیظ الرحمن وزیراعلیٰ تھے تب تو علاقے کے ترقیاتی کام یاد نہیں آئے، آج حکومت سے باہر ہیں تو گلگت کی ترقی بڑی یاد آئی ہے۔