پاکستان بھر میں زندگی معمول پر آگئی ہے، محسن نقوی

اسلام ٹائمز۔ وفاقی وزیر داخلہ محسن نقوی نے کہا ہے کہ پاکستان بھر میں زندگی معمول پر آگئی ہے۔ سماجی رابطے کے سائٹ ایکس پر اپنے پیغام میں وفاقی وزیر داخلہ محسن نقوی نے کہا کہ سڑکیں کھلی ہیں، موبائل سروس اور انٹرنیٹ بحال کر دیا گیا ہے۔ محسن نقوی نے کہا کہ سٹاک ایکسچینج ایک بار پھر مثبت رجحانات دکھا رہی ہے۔ ہم گزشتہ تین دنوں میں ہونے والی تکلیف کیلئے معذرت خواہ ہیں۔ اپنے پیغام میں وفاقی وزیر داخلہ نے کہا کہ تمام اقدامات شہریوں کو مظاہرین سے بچانے کیلئے ضروری تھے۔