شیعہ علماء کونسل کراچی کے تحت حمایت مظلومین جہاں کانفرنس

اسلام ٹائمز۔ شیعہ علماء کونسل پاکستان کراچی ڈویژن صوبہ سندھ کی جانب سے کیتھولک گارڈن سولجربازار میں منعقدہ حمایت مظلومین جہاں کانفرنس میں سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی نے خصوصی شرکت کی۔ کانفرنس میں شیعہ، سنی علماء کرام نے خطاب بھی کیا، تنظیمی کارکنان نے آئے ہوئے مہمانان گرامی کو خوش آمدید کہا، کانفرنس میں سیکرٹری جنرل کے علاوہ مرکزی ڈپٹی سیکرٹری علامہ محمد علی جروار، مرکزی ایڈیشنل سیکرٹری علامہ ناظر عباس تقوی، صوبائی صدر علامہ سید اسد اقبال زیدی، مرکزی نائب صدر حسنین مہدی کے ساتھ ساتھ دیگر جماعتوں کے رہنما بھی شریک تھے۔ کانفرنس میں غزہ، لبنان، شام، یمن، پاراچنار اور کشمیر کے مظلومین کی حمایت میں قراردادیں بھی پاس کی گئیں۔