طے ہوا ہے گلگت بلتستان میں آئندہ حکومت پیپلز پارٹی کی بنے گی، صوبائی وزیر کا انکشاف

اسلام ٹائمز۔ گلگت بلتستان کے وزیرخزانہ اور پاکستان پیپلز پارٹی کے جنرل سیکریٹری انجینئر اسماعیل نے انکشاف کیا ہے کہ وفاقی سطح پر فیصلہ ہو چکا ہے کہ جی بی میں آئندہ حکومت پیپلز پارٹی کی ہو گی۔ پاکستان پیپلز پارٹی گلگت بلتستان کی سب سے بڑی سیاسی جماعت ہے۔ ایک انٹرویو میں صوبائی وزیر خزانہ کا کہنا تھا کہ 2020ء کے الیکشن میں ہماری پارٹی نے سب سے زیادہ ووٹ لیا۔ ہماری 9 سیٹیں دھاندلی کے ذریعے چھین کر ہمیں تین سیٹیں دی گئیں۔ آئندہ گلگت بلتستان میں پیپلز پارٹی حکومت بنائے گی۔ وفاقی حکومت کے ساتھ جو فارمولہ طے ہوا ہے اس کے مطابق گلگت بلتستان میں پیپلز پارٹی کی حکومت ہی بنے گی۔