کراچی، ایام فاطمیہ پر مرکزی شاہراہوں و عمارتوں پر قد آور بورڈز آویزاں

شیعہ نیوز: پاکستان کے سب سے بڑے شہر و معاشی حب کراچی میں سالہائے گذشتہ کی طرح اس سال بھی ایام فاطمیہؑ بمناسبت شہادت دختر حضرت خاتم الانبیاء محمد مصطفیٰ (ص) حضرت بی بی سیدہ فاطمہ زہرا سلام اللہ علیہا سے متعلق اہم و مرکزی شاہراہوں و عمارتوں  پر سیاہ بینرز آویزاں کردیئے گئے، دیوہیکل سیاہ بینرز کی تنصیب کے خادمین اباعبداللہ ؑ و ابو الفضل ؑ کی جانب سے کی گئی۔ تفصیلات کے مطابق کراچی میں ایام فاطمیہؑ بمناسبت شہادت حضرت بی بی سیدہ فاطمہ زہرا سلام اللہ علیہا دختر حضرت خاتم الانبیاء محمد مصطفیٰ (ص) کے دوران خادمین اباعبداللہ ؑ و ابو الفضلؑ کی جانب سے نمائش چورنگی، واٹر پمپ چورنگی، گولیمار چورنگی، شاہراہ پاکستان، راشد منہاس روڈ، گلستان جوہر سمیت شہر قائد کی اہم شاہراہوں اور عمارتوں پر قد آور پینافلیکس کے سائن بورڈز نصب کئے گئے ہیں، جن پر ایام فاطمیہ شہادت دختر رسولؐ و شہزادی کونین حضرت سیدہ فاطمہ زہرا سلام اللہ علیہا کی مناسبت سے پیغامات موجود ہیں۔ واضح رہے کہ شہر بھر میں آویزاں ہونے والے ان تمام بل بورڈز اور ہولڈنگ کی باقاعدہ بکنگ متعلقہ کمپنیز سے کروائی گئی اور واجب الادا رقوم بھی ادا کی گئی۔