یہ حکومت آپکو ہضم نہیں کرنے دینگے، جنگ آپ نے شروع کی ختم ہم کرینگے، اسد قیصر

اسلام ٹائمز۔ پاکستان تحریک انصاف (پی ٹی آئی) کے سینیئر رہنماء اور سابق اسپیکر قومی اسمبلی اسد قیصر نے کہا ہے کہ جنگ آپ نے شروع کی ہے، ختم ہم کریں گے۔ اپنے ایک بیان میں اسد قیصر نے کہا کہ نیا قانون پاس کیا کہ بغیر وجہ، صرف شک کی بنیاد پر کسی کو 3 مہینے جیل میں رکھا جاسکتا ہے۔ انہوں نے کہا کہ ملک میں جنگل کا قانون ہے، کیا اس طرح ملک میں زندگی بسر ہوسکتی ہے، بلاول اور نواز شریف کہتے ہیں کہ جمہوریت پر یقین رکھتے ہیں، کیا یہ جمہوریت ہے۔؟ سابق اسپیکر قومی اسمبلی نے مزید کہا کہ یہ حکومت آپ کو ہضم نہیں کرنے دیں گے، جنگ آپ نے شروع کی ختم ہم کریں گے۔ ان کا یہ بھی کہنا تھا کہ عوام کا حق ہے، کس طرح زندگی بسر کریں، اس ملک کے حقیقی مالک عوام ہیں۔