فوجیوں کی شدید قلت کے باعث غاصب اسرائیلی فوج کو مشکل صورتحال کا سامنا ہے، صیہونی میڈیا

واضح رہے کہ انتہاء پسند یہودیوں (حریدی) کی اسرائیلی فوج میں جبری بھرتی کے مسئلے پر تل ابیب میں واقع تل ہاشومیر بھرتی ہیڈکوارٹر، جمعرات کے روز پولیس اور حریدی آبادکاروں کے درمیان میدان جنگ بنا رہا۔ اس موقع پر شدید احتجاج کرنے والے حریدی صیہونیوں کا کہنا تھا کہ "ہم مر جانے کو تیار ہیں لیکن ہم فوج میں بھرتی نہیں ہوں گے"؛ یہ نعرہ حریدی صیہونیوں (Sephardic یہودیوں) کا تھا کہ جنہوں نے تل ابیب میں بھرتی مرکز کے سامنے بھرپور مظاہرہ کیا جس کے دوران اسرائیلی پولیس فورسز کے ساتھ متعدد جھڑپیں ہبھی وئیں۔ حریدی فرقہ کہ جس میں مقبوضہ فلسطینی علاقوں میں آباد صیہونیوں کے 10 لاکھ سے زائد افراد شامل ہیں، اسرائیلی پارلیمنٹ و نیتن یاہو کابینہ میں بھی اہم نمائندگی رکھتے ہیں جبکہ حریدی یہودی تورات کے مطالعے اور تورات کی نظر میں یہودی حکومت تشکیل دینے کی ممانعت کے بہانے جبری فوجی ملازمت سے فرار اختیار کرتے اور کہتے ہیں کہ تورات نے حکومت بنانے اور جنگ لڑنے سے منع کر رکھا ہے لہذا اگر صیہونی رژیم ان پر مزید دباؤ ڈالے گی تو وہ تمام کے تمام، مقبوضہ فلسطینی سرزمینوں سے نکل جائیں گے!