مجوزہ جنگبندی میں لبنان کا جنوبی علاقہ شامل نہیں، صہیونی میڈیا

اسلام ٹائمز۔ لبنان میں جنگبندی معاہدے میں "اہم پیشرفت" کے بارے سامنے آنے والے مغربی حکام کے دعووں کے برعکس صہیونی میڈیا نے نئی داستان سے پردہ اٹھایا ہے۔

تفصیلات کے مطابق غاصب صہیونی رژیم کے سرکاری ٹی وی نے آج صبح اعلان کیا ہے کہ شمالی محاذ پر جنگ کو ختم کرنے کے معاہدے کے مسودے میں جنوبی لبنان میں (مبینہ) سکیورٹی زون شامل نہیں۔ قبل ازیں دعوی کیا گیا تھا کہ اس مسودے کی بنیاد پر لبنان و اسرائیل کے درمیان جاری معاندانہ کارروائیاں مکمل طور پر روک دی جائیں گی اور لبنان کی جانب سے جنگبندی معاہدے پر عملدرآمد، ملکی فوج کی ذمہ داری ہو گی۔