جنگ میں ہمیں بھاری جانی نقصان ہو رہا ہے، اسرائیلی آرمی چیف کا برملاء اعتراف

واضح رہے کہ کم از کم جانی نقصان کے اعتراف کی پالیسی پر گامزن غاصب صیہونی رژیم نے سرکاری اعداد و شمار جاری کرتے ہوتے گزشتہ شب ہی اعلان کیا ہے کہ گزشتہ 24 گھنٹوں کے دوران غزہ و لبنان میں اس کے 13 فوجی ہلاک اور 50 سے زائد زخمی ہوئے ہیں۔ ادھر غاصب صیہونی حزب اختلاف کے رہنماء یائیر لیپڈ نے بھی اعلان کیا ہے کہ جنگ (غزہ) کے آغاز سے لے کر اب تک کم از کم 11 ہزار اسرائیلی فوجی زخمی اور 890 ہلاک ہوچکے ہیں جبکہ گذشتہ شب کے اسرائیلی اعلان میں کہا گیا ہے کہ صرف غزہ کی پٹی کے خلاف زمینی حملے میں، آغاز سے لے کر اب تک، کل 5 ہزار 150 اسرائیلی فوجی "زخمی" ہوئے ہیں، جن میں سے 764 کی حالت نازک ہے۔