حزب الله لبنان نے فوری طور ترکی اور شام کے زلزلہ زدگان کی امداد کا مطالبہ کر دیا

اسلام ٹائمز۔ آج لبنان کی مقاومتی تحریک "حزب الله" نے ایک بیان جاری کرتے ہوئے شام اور ترکی میں آنے والے زلزلے سے ہزاروں افراد کے جاں بحق اور زخمی ہونے پر تعزیت کا اظہار کیا، اس کے علاوہ ملبے تلے زندہ بچ جانے والے افراد کو نکالنے کے لیے بین الاقوامی اداروں سے فوری مدد کا مطالبہ کیا۔ پیر کی شب اپنے جاری بیان میں حزب الله نے مطالبہ کیا کہ تمام وسائل کو بروئے کار لاتے ہوئے شامی و ترکی زخمیوں، متاثرہ اور بے گھر افراد کے لئے سہولتیں فراہم کی جائیں۔ اپنے بیان کے آخر میں حزب الله نے اس دردناک حادثے میں مرنے والوں کے لئے مغفرت اور زخمیوں کے لئے جلد صحت یابی کی دعا کی۔