پاک ایران مضبوط تعلقات ناگزیر، نائب امیر جماعت اسلامی لیاقت بلوچ کا خصوصی انٹرویو

Name: پاک ایران مضبوط تعلقات ناگزیر، نائب امیر جماعت اسلامی لیاقت بلوچ کا خصوصی انٹرویو
Uploaded: 2024-09-20 13:58

پاکستان اور ایران کے درمیان تعلقات دونوں ممالک کیلئے کیوں ضروری ہیں؟ انقلاب اسلامی کے پاک ایران عوام پر اثرات؟ خطے میں امن، اقتصادی، دینی اعتبار سے پاک ایران تعلقات کی اہمیت؟ ایران گیس اور پیٹرول دینے کیلئے تیار، لیکن توانائی کے شدید ترین بحران کا شکار پاکستان لینے سے انکاری کیوں؟ بھارت تو ایران سے کھلے عام تجارت کرتا ہے لیکن پاکستان نہیں، کیوں؟ پاک ایران گیس پائپ لائن کا پاکستانی حصہ عدم تکمیل کا شکار کیوں؟ ایران سے تجارت سے متعلق پاکستانی قیادت و پالیسی ساز خوف کا شکار کیوں؟ سمیت دیگر متعلقہ و اہم سوالات کے جوابات جاننے کیلئے جماعت اسلامی پاکستان کے مرکزی نائب امیر لیاقت بلوچ کا خصوصی ویڈیو انٹرویو ضرور سنیئے اور احباب و اقارب کیساتھ بھی شیئر کیجیئے۔

متعلقہ فائیلیںلیاقت بلوچ پاکستان کے معروف سیاستدان، جماعت اسلامی پاکستان کے مرکزی نائب امیر اور ملی یکجہتی کونسل کے سیکرٹری جنرل ہیں۔ وہ اسکول کے ایام سے ہی اسلامی جمعیت طلبہ سے منسلک ہوئے اور ضلعی، صوبائی اور مرکزی سطح پر مختلف حیثیتوں میں تنظیم کی خدمات انجام دیں۔ بعد میں دو بار اسلامی جمعیت طلبہ پاکستان کے صدر منتخب ہوئے۔ انہوں نے پنجاب یونیورسٹی لاہور میں طلباء سیاست میں بڑھ چڑھ کر حصہ لیا اور سیکرٹری جنرل اور اس کے بعد پنجاب کی اسٹوڈنٹس یونین یونیورسٹی کے صدر منتخب ہوئے۔ وہ ملک کے مذہبی اور سیاسی حلقوں میں معتدل مزاج سیاستدان کی حیثیت سے پہچانے جاتے ہیں اور تمام مسالک اور مکاتب فکر کے مابین اتحاد و امن کے حامی ہیں۔ اسی لئے وہ ملی یکجہتی کونسل کے سیکرٹری جنرل منتخب ہوئے۔ وہ بین الاقوامی کانفرنسوں میں شرکت کے سلسلے میں ایران سمیت متعدد اسلامی ممالک کا دورہ کر چکے ہیں۔ ”اسلام ٹائمز“ نے پاک ایران تعلقات و دیگر متعلقہ موضوعات کے حوالے سے کراچی میں ان کے ساتھ ایک مختصر نشست کی۔ اس موقع پر ان سے لیا گیا خصوصی انٹرویو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial

خبر کا کوڈ : 1042883