ہم حلب پر دہشتگرد حملوں کیخلاف شام کی مکمل حمایت کا اعلان کرتے ہیں، فلسطینی مزاحمت

فلسطینی مزاحمت نے نشاندہی کی کہ یہ جارحیت ترکی، امریکی حکومت اور غاصب صیہونی رژیم کی مکمل حمایت کے ساتھ شروع ہوئی ہے جو شام کی قومی خودمختاری کی کھلی خلاف ورزی ہے۔ فلسطینی مزاحمتی قوتوں نے کہا کہ عالمی حمایت یافتہ دہشتگرد شام میں اپنے مذموم اہداف کسی صورت حاصل نہیں کر سکیں گے جیسا کہ وہ (صیہونی) فلسطین و لبنان میں ناکام ہو چکے ہیں۔ 

اپنے بیان میں فلسطینی مزاحمتی قوتوں نے شام کی مکمل حمایت کا اعلان کرتے ہوئے تاکید کہ دمشق نے سال 2011 سے "نئے مشرق وسطی" کے گھناؤنے منصوبے کو ناکام بنا رکھا ہے جبکہ شامی عوام گزشتہ 13 سالوں سے قیام کئے ہوئے ہیں اور بین الاقوامی و علاقائی دہشتگرد اس دلیر قوم کے عزم کو کسی صورت توڑ نہیں پائے لہذا یہ جارحیت بھی یقینی طور پر ناکام ہو جائے گی!!