بنوں، مسلح افراد نے چیک پوسٹ پر قبضہ کرکے 7 پولیس اہلکاروں کو اغواء کرلیا

اسلام ٹائمز۔ خیبر پختونخوا کے ضلع بنوں میں 7 پولیس اہلکاروں کو اغواء کرلیا گیا۔ ضلعی پولیس آفیسر ضیاء الدین کا کہنا تھا کہ احمد زئی سب ڈویژن سے 7 پولیس اہلکاروں کو اغواء کیا گیا ہے۔ ڈی پی او کا کہنا ہے کہ نامعلوم مسلح افراد نے روچہ چیک پوسٹ پر قبضہ کرکے پولیس اہلکاروں کو اغواء کیا، علاقے کو گھیرے میں لے کر مغویوں کیلئے سرچ آپریشن شروع کردیا ہے۔